U përfshi nga flakët. Aeroporti Heathrow i Londrës do të rifillojë fluturimet
E Premte 21 Mars 2025, 18:06
Dritare.net
Aeroporti Heathrow i Londrës tani është në gjendje t'i rifillojë fluturimet në mënyrë të sigurt, pasi një zjarr në një nënstacion elektrik aty pranë mbylli një nga aeroportet më të ngarkuara në botë.
Megjithatë, edhe pse aeroporti thotë se mund të rifillojë fluturimet, zyrtarët këshilluan njerëzit të mos udhëtojnë "përveç nëse linja juaj ajrore e ka këshilluar këtë gjë". Aeroporti tha se shpreson të "kryejë një operacion të plotë" të shtunën.
"Ekipet tona kanë punuar pa u lodhur që nga incidenti për të siguruar një rikuperim të shpejtë. Tani jemi në gjendje të rifillojmë fluturimet, duke i dhënë përparësi riatdhesimit dhe zhvendosjes së avionëve," tha Heathrow në një deklaratë.
Aeroporti Heathrow tha se zjarri në nënstacionin, i cili furnizon me energji aeroportin, shkaktoi një ndërprerje të konsiderueshme të energjisë dhe aeroporti pritej të mbyllej deri në orën 23:59.
"Ne presim ndërprerje të energjisë gjatë ditëve në vijim dhe pasagjerët nuk duhet të udhëtojnë në aeroport në asnjë rrethanë derisa aeroporti të rihapet.", tha një zëdhënës i Aeroportit Heathrow.
Në total, 70 zjarrfikës dhe 10 kamionë zjarrfikës iu përgjigjën zjarrit në perëndim të Londrës kur skuadra e zjarrfikësve të Londrës u thirr për herë të parë në orën 23:23. Zjarri u vu nën kontroll më shumë se shtatë orë më vonë në orën 6:28 të mëngjesit të së premtes në mëngjes, por ende kishte 10% flakë edhe pasditen e sotme./K.C/dritare.net
