U bashkua me protestat pro palestineze, Izraeli kritika Bella Hadid: Turp të kesh!
E Hënë 17 Maj 2021, 20:08
Dritare.net
Supermodelja amerikane Bella Hadid shprehu mbështetjen e saj për protestat në Palestinë. Por pas kësaj ajo u kritikua nga forcat izraelite. Hadid, babai i së cilës është palestinez, u bashkua në protestën pro palestineze, në një kohë kur vazhdojnë përplasjet në Rripin e Gazës mes militantëve të grupit Hamas dhe forcave izraelite. Këtë fundjavë supermodelja ndau foto dhe video në llogarinë e saj në Instagram nga protesta pro palestineze në New York.
"Kështu ndihet zemra ime. Të jesh rreth këtyre palestinezëve shumë të bukur, të zgjuar, të respektuar, të dashur, të mirë dhe bujare, të gjithë në një vend! Ne jemi një racë e rrallë. Thirrjet “Lironi Palestinën!” do të vazhdojnë deri sa Palestina të jetë e lirë.”, shkroi Hadid, informon dritare.net
Përmes një postimi në Twitter llogaria zyrtare izraelit shkroi: “Të famshëm si Bella Hadid avokojnë për hedhjen e hebrenjve në det, ata po avokojnë për eliminimin e shtetit hebre. Kjo nuk duhet të jetë një çështje izraelito-palestineze. Kjo duhet të jetë një çështje njerëzore. Turp të kesh!”
Llogaria zyrtare e Izraelit në Twitter iu referohej videove të supermodeles ku protestuesit thoshin parullën e vjetër: "Nga lumi në det, Palestina do të jetë e lirë.”/K.C/dritare.net
When celebrities like @BellaHadid advocate for throwing Jews into the sea, they are advocating for the elimination of the Jewish State.
— Israel ישראל (@Israel) May 16, 2021
This shouldn't be an Israeli-Palestinian issue. This should be a human issue.
Shame on you.#IsraelUnderAttack pic.twitter.com/PJQHT90cNy
