Turqia kundër planit të Suedisë dhe Finlandës për t'u bashkuar me NATO!
E Premte 13 Maj 2022, 22:10
Dritare.net
Suedia dhe Finlanda kanë thënë se do të zhvillojnë bisedime me qeverinë turke pasi presidenti i saj, Recep Tayyip Erdogan, tha se nuk ishte në favor të planeve të tyre për t'u bashkuar me NATO-n.
Ministrat e Jashtëm suedez dhe finlandez, Ann Linde dhe Pekka Haavisto thanë se do të bisedojnë me homologun e tyre turk, Mevlut Cavusoglu, për këtë çështje në një takim të NATO-s të shtunën.
Erdogan tha se vendet nordike u kanë dhënë azil njerëzve që Turqia i konsideron si terroristë kurdë. Ai shtoi se nuk donte që NATO të përsëriste atë që ai e quajti gabimin e së kaluarës kur lejoi Greqinë të anëtarësohej.
Duke iu përgjigjur komenteve të Turqisë, SHBA tha se Turqia është një aleat i vlerësuar i NATO-s dhe ata kanë qenë të përfshirë dhe kanë ndihmuar në përpjekjen për të nisur një dialog këtu, midis Rusisë dhe Ukrainës.
“Ne po punojmë për të sqaruar më mirë pozicionin e Turqisë këtu", tha John Kirby, sekretari i shtypit për Ministrinë e Mbrojtjes së SHBA./M.K/dritare.net
