Trump sfidon kundërshtarët: Clinton, Hoffman, Summers dinë gjithçka për Epstein
E Premte 14 Nëntor 2025, 17:05
Dritare.net
Presidenti amerikan Donald Trump ka akuzuar Demokratët se po rikthejnë në qendër të debatit çështjen Epstein me qëllim që të largojnë vëmendjen nga, siç thotë ai, dështimet e tyre politike.
Trump shprehu zhgënjimin e tij për veprimet e Demokratëve, të cilët, pavarësisht publikimit të rreth 50 mijë dokumenteve nga Departamenti i Drejtësisë, vazhdojnë të ngrenë çështjen Epstein për të mbuluar gabimet dhe politikat e tyre të dështuara.
Ai kritikoi gjithashtu disa anëtarë të Partisë Republikane, duke i quajtur “të dobët” dhe “budallenj” që, sipas tij, i nënshtrohen presionit të Demokratëve.
Trump theksoi se Jeffrey Epstein kishte lidhje të forta me figurat e rëndësishme të kampit Demokrat, duke argumentuar se për këtë arsye çështja është “problemi i tyre, jo i Republikanëve”.
Në deklaratën e tij, ai përmendi emra si Bill Clinton, Reid Hoffman dhe Larry Summers, për të cilët tha se “dinë gjithçka” rreth Epstein-it.
“Pyeteni Bill Clintonin, Reid Hoffmanin dhe Larry Summers për Epstein-in. Ata i dinë të gjitha. Mos humbni kohë me mua, kam një vend për të qeverisur”, shkroi Trump në postimin e tij./K.C/dritare.net
