Trump pezullon për 90 ditë tarifat e reja. Kinën e ndëshkon më keq
E Mërkurë 9 Prill 2025, 19:07
Dritare.net
Donald Trump njofton se ka pezulluar për 90 ditë tarifat më të larta për dhjetëra vende, por rrit taksat ndaj Kinës në 125%.
Në fillim të këtij muaji, presidenti amerikan njoftoi një tarifë "bazë" prej 10% për të gjitha vendet, me tarifa më të larta për disa vende.
Ai tani thotë se tarifat më të larta do të ndërpriten për 90 ditë dhe në vend të kësaj tarifa reciproke do të jetë 10%.
Por ai thotë se norma për Kinën do të rritet përsëri, në 125%, për shkak të "mungesës së respektit që Kina ka treguar ndaj tregjeve botërore".
Sekretarja e shtypit e Shtëpisë së Bardhë Karoline Leavitt thotë se Trump ka rritur tarifat kundër Kinës sepse "kur do të godasësh me grusht Shtetet e Bashkuara të Amerikës, Presidenti Trump do të godasë më fort".
Leavitt thotë se më shumë se 75 vende iu drejtuan Trump-it për të negociuar dhe ata janë mbingarkuar nga sasia e kërkesave.
“Ndërkohë do të ketë një pauzë 90-ditore në tarifat reciproke pasi këto negociata janë në vazhdim dhe niveli i tarifave do të ulet në 10%."/K.C/dritare.net
