Sirena alarmi në Ukrainë! Sulmohet fuqishëm një qytet nga Rusia!
E Martë 3 Shtator 2024, 14:02
Dritare.net
Poltava, qyteti lindor i Ukrainës është goditur nga dy raketa balistike ruse. Lajmi është konfirmuar nga presidenti Volodymyr Zelensky i cili pohon se të paktën 41 persona janë vrarë dhe 180 të plagosur, disa prej të cilëve janë nxjerrë nga rrënojat dhe janë shpëtuar.
Po ashtu sqaron se raketat goditën territorin e një institucioni arsimor dhe një spitali aty pranë. Një nga objektet e Institutit të Komunikimeve është shkatërruar pjesërisht. Poltava deri më tani nuk ishte prekur nga sulmet ruse në të njëjtën mënyrë si Dnipro, Zaporizhzhia ose Sumy.
Qyteti ka qenë relativisht i qetë deri më tani, por ka objekte të rëndësishme ushtarake, duke përfshirë qendra trajnimi.
Ka raporte se Rusia kishte përdorur dronë zbulues përpara se të ndodhte ky sulm raketor./M.K-dritare.net
