Shkrimtarja Jean Carroll ngre padi të re ndaj Trump për shpifje, kërkon më shumë dëmshpërblim!
E Martë 23 Maj 2023, 09:09
Dritare.net
Shkrimtarja E. Jean Carroll ka ngritur një padi të re për shpifje kundër Trump për deklaratat që ky i fundit ka bërë pas publikimit të vendimit. Shkrimtarja mori 5 milion dollarë nga Donald Trump, pas urdhrit që ish- presidentit iu dha pasi pasi u shpall fajtor për ngacmim seksual ndaj saj. Por shkrimtarja tashmë kërkon një shumë shtesë të konsiderueshme për të gjitha shpifjat që sipas saj janë deklaruar më pas.
“Ajo është e çmendur,” tha Trump, kandidati republikan për president të vitit 2024.
Ish-presidenti tha se nuk e kishte takuar kurrë shkrimtaren e revistës Elle, duke e quajtur sërish “një histori të sajuar”. Deklaratat e Trump pas shpalljes së vendimit tregojnë thellësinë e keqdashjes së tij ndaj Carol, thanë avokatët e saj në padinë e re.
Carroll po kërkon dëmshpërblim “për të ndëshkuar Trump”, por gjithashtu “për ta parandaluar atë nga përfshirja në veprime të tjera dhe për të parandaluar njerëzit e tjerë të bëjnë të njëjtën gjë.
Presidenti i 45-të i Shteteve të Bashkuara ishte shpallur fajtor për sulm seksual ndaj shkrimtares, e cila e akuzoi atë për përdhunimin e saj në Nju Jork në pranverën e vitit 1996./New York Times/ A.ZH-dritare.net
