Protestuesit anembanë botës kërkojnë armëpushim dhe dorëheqjen e Netanyahut!
E Hënë 1 Prill 2024, 09:09
Dritare.net
Mijëra protestues dolën në rrugë në qytete anembanë botës gjatë fundjavës, duke përfshirë në Londër, Paris, Nju Jork, Tunis dhe Aman për të demonstruar solidaritet me popullin e Gazës dhe për të treguar mbështetjen e tyre për një armëpushim. Protestuesit u mblodhën po ashtu për të kërkuar dorëheqjen e kryeministrit Benjamin Netanyahu, duke mbajtur në dorë flamujt palestinezë.
"Ky marsh është më e pakta që mund të bëjmë për popullin palestinez. Një popull që ka vuajtur prej vitesh. Sot është 'Dita e Tokës' dhe është një mundësi për të kujtojuni njerëzve se shtypja ekziston. Si arabë dhe myslimanë, ne duhet të qëndrojmë pranë vëllezërve tanë”, shpreheshin protestuesit.
Një avokat franko-palestinez Salah Hamouri u shpreh se Franca duhet t'i japë fund bashkëpunimit të saj në këtë gjenocid të vazhdueshëm (në Gaza), të ndalojë totalisht shitjen e armëve për pushtuesin izraelit dhe të vendos një embargo ushtarake dhe ekonomike.Protestat e së dielës shënojnë ditën e dytë të protestave masive antiqeveritare këtë fundjavë. Mijëra demonstrues dolën në rrugët e Tel Avivit, Jerusalemit, Cezaresë, Raanana dhe Herzliya të shtunën. Të paktën 16 persona u arrestuan, sipas policisë izraelite./M.K-dritare.net
