Princi William: Prindërimi më riktheu emocionet e dhimbshme nga vdekja e nënës
E Diel 24 Maj 2020, 10:10
Dritare.net
Princi Uilliam ka zbuluar se të bërit baba i riktheu emocionet e dhimbshme që ndjeu pas vdekjes së nënës së tij kur ishte 15 vjeç. Duka i Kembrixhit, i cili ka tre fëmijë me gruan e tij Kate Middleton, tha se ndjenjat nga një ngjarje traumatike mund të rishfaqen kur bëhesh prind.
Në një dokumentar të BBC-së, ai foli për shëndetin mendor, duke thënë se herë pas herë, gjërat i duken të pakalueshme, dërrmuese. Nëna e tij, Diana, Princesha e Uellsit, vdiq në një aksident automobilistik në Paris, në 1997-ën.
Princi Uilliam, babai i princit George, princeshës Charlotte dhe princit Louis, tha që ai dhe Kate mbështesin njëri-tjetrin në kohëra të vështira.
"Të kesh fëmijë është momenti më i rëndësishëm që të ndryshon jetën. Mendoj se kur keni kaluar diçka traumatike në jetë, në një kohë kur babai juaj nuk ishte pranë dhe nëna të vdes, kur je i vogël, emocionet kthehen në hapa të mëdhenj, sepse është një fazë shumë ndryshe e jetës. Dhe nuk është askush që të të ndihmojë, dhe mua ndonjëherë më është dukur dërmuese.”,- tha Uilliam./K.C/dritare.net
