Po transportonin të burgosurin me furgon, vriten 2 policë në Francë!
E Martë 14 Maj 2024, 15:03
Dritare.net
Një ngjarje e rëndë ka ndodhur në Francë, pasi 2 oficerë të burgut janë vrarë teksa po transportonin një të burgosur. Ndërkohë të plagosur rëndë kanë mbetur dhe tre të tjerë, si dhe i burgosuri është arratisur.
Sulmi dyshohet se u krijua nga një grup kriminelësh dhe u përdorën 2 automjete për krimin.
Lidhur me krimin ka reaguar edhe presidenti Emmanuel Macron i cili deklaron se kjo ngjarje ka tronditur vendin.
“Kombi qëndron përkrah familjeve, të lënduarve dhe kolegëve të tyre. Po bëhet gjithçka për të gjetur autorët e këtij krimi, në emër të popullit francez”, shkroi ai në X./M.K-dritare.net
