Plani i ri i Trump: Paguaj 1 milion dollarë dhe jeto në SHBA!
E Enjte 11 Dhjetor 2025, 10:10
Dritare.net
Donald Trump ka nisur një program të ri që ofron viza të përshpejtuara amerikane për të huajt e pasur që mund të paguajnë të paktën 1 milion dollarë (rreth 750,000 paund). Programi quhet Trump Gold dhe synon të japë një “rrugë të drejtpërdrejtë drejt shtetësisë” për individët që plotësojnë kriteret dhe ofrojnë një “përfitim të konsiderueshëm” për SHBA-në
Trump tha se kartat e nivelit të lartë do të synojnë të afrojë profesionistë produktivë dhe të suksesshëm. Ai shtoi se individët që paguajnë 5 milion dollarë do të përfitojnë lehtësime tatimore dhe do të krijojnë vende pune.
Si funksionon programi:
Tarifa bazë për aplikantët individualë është 1 milion dollarë
Bizneset që sponsorizojnë punonjës duhet të paguajnë 2 milion dollarë plus tarifa shtesë
Do të ketë gjithashtu një version që quhet “Karta e Artë” me tarifë 5 milion dollarë;
Aplikantët duhet të paguajnë një tarifë përpunimi prej 15,000 dollarësh
Qeveria mund të ngarkojë tarifa shtesë sipas situatës së secilit aplikant
Programi premton rezidencë në SHBA në kohë rekord dhe mundësinë e shtetësisë për të gjithë të kualifikuarit.
Programi ka hasur kritika, pasi disa demokratë kanë thënë se favorizon padrejtësisht individët e pasur. Ai vjen ndërkohë që administrata Trump ka forcuar masat ndaj imigracionit, duke përfshirë deportime, pezullimin e aplikimeve për imigrantët nga 19 vende dhe tarifën e re prej 100,000 dollarësh për vizat H-1B për punëtorët e huaj të kualifikuar.
Trump tha se karta do të shitet shumë shpejt dhe e përshkroi si një mundësi të mirë për profesionistët e niveleve të larta që duan të jetojnë dhe punojnë në SHBA. /BBC përshtatur nga dritare.net
