Papa Françesku: Si Harris edhe Trump janë kundër jetës!
E Premte 13 Shtator 2024, 21:09
Dritare.net
Papa Françesku vlerëson se dy kandidatët kryesorë për president të SHBA-së, janë kundër jetës, duke kritikuar Donald Trump për emigracionin dhe Kamala Harris për abortin.
"Të dy janë kundër jetës, qoftë ai që përndjek emigrantët apo ai që vret fëmijët", tha ai në një konferencë shtypi ndërsa përfundoi një turne 12-ditor nëpër Azinë juglindore.
Papa u tha gazetarëve se planet e Trump për të dëbuar e jo për të mirëpritur emigrantët në SHBA përbënin një mëkat të rëndë dhe se qëndrimi i Harris për abortin përbën vrasje. Është në dorën e katolikëve amerikanë që të zgjidhin të keqen më të vogël vazhdoi ai, por ata duhet të votojnë.
"Të mos votohet është e shëmtuar. Nuk është mirë. Duhet të votoni", tha Papa Françesku./ M.K-dritare.net
