Nusretit i mbyllin restorantin, nuk respektoi masat e Covid-19
E Martë 29 Shtator 2020, 09:09
Dritare.net
Mbyllet restoranti i shefit të famshëm turk, Nusret Gökçe. Kjo pasi dështoi në respektimin e standardeve të sigurisë.
"Nusr-Et Boston", është pjesë e një zinxhiri restorantesh kryesuar nga shefi i famshëm turk Gökçe.
"Salt Bae", siç njihet më mirë, u bë i famshëm në rrjetet sociale për aftësinë e veçantë të të prerit dhe kriposjes së mishit.
Ndër shkeljet që detyruan restorantin të mbyllej ishte edhe mosmbajtja e maskës nga punonjësit dhe klientët. Javën e kaluar Gökçe postoi në video në Instagram ku shfaqeshin njerëzit në restorant shumë afër njëri-tjetrit, shumica pa maska.
Kjo bëri që të urdhërohej mbyllja e restorantit. Vetë shefi nuk ka reaguar pas këtij vendimi./K.C/dritare.net
