Më mirë të investosh 36 mijë euro për të blerë dy robotë sesa të rrish të kërkosh kamerierë të vërtetë. Mario Parlato, mbrojtësi i klubit Forestieri në Sorrento, në funksion të sezonit të ri turistik, ngre shqetësimin për mungesën e punëtorëve.
Ai thotë për Corriere della Sera: “Ne ofrojmë një kontratë të rregullt për 8 muaj punë të plotë në vit, plus evente shtesë. Por ne, si të gjitha bizneset e tjera të mikpritjes në gadishullin Sorrento, po hasim gjithnjë e më shumë vështirësi në gjetjen e punëtorëve të rinj. Kjo, edhe pse paga fillon nga 1500/1600 euro. Çfarë duhej të bëja?
Pranvera 2024, e para e një epoke të re pas nëntëdhjetë vitesh aktivitet të nderuar të Klubit dhe Tarracës legjendare të Sirenave ku anëtarët, miqtë dhe turistët shijojnë ushqimin me detin para syve. Por a nuk është paradoks të mos gjesh punëtorë në një nga provincat italiane me më shumë papunësi? Unë, përgjigjet Parlato kuptova një gjë: problemi nuk është ekonomik, i pagës, por disponueshmërisë. Sidomos të rinjtë që nuk pranojnë turne të dyfishta, ose turne në mbrëmje ose turne fundjave. Pra, nga një staf prej dyzet vetësh, mendova se këtë vit ishte koha për të investuar në të paktën dy robotë. Tetëmbëdhjetë mijë euro secili dhe nuk flasim më për këtë gjë.”, tha Parlato./K.C/dritare.net
