Në Muajin e Ramazanit, fëmijët e gazetarit saudit Jamal Khashoggi, falin vrasësit e babait
E Premte 22 Maj 2020, 10:10
Dritare.net
Djali i gazetarit saudit të vrarë, Jamal Khashoggi ka deklaruar se ka falur vrasësit e të atit. Khashoggi, një kritik i shquar i qeverisë saudite, u vra brenda konsullatës së mbretërisë në qytetin e Stambollit në tetor të 2018-ës. Zyrtarët sauditë thonë se vdekja e tij ishte rezultat i një “operacioni mashtrues" dhe nuk u sanksionua nga shteti. Por, llogaria e tyre e ngjarjeve është dyshuar ndërkombëtarisht, duke përfshirë disa agjenci të inteligjencës dhe Kombet e Bashkuara.
Çfarë ka thënë familja e Khashoggi?
Deklarata u postua në llogarinë në Twitter të Salah Khashoggi, një nga djemtë e gazetarit të ndjerë, të premten.
"Në këtë natë të bekuar të Muajit të Bekuar [të Ramazanit] kujtojmë thënien e Zotit: “Nëse një person fal dhe bën pajtimin, shpërblimi i tij i takon Allahut.” Prandaj ne bijtë e dëshmorit, Jamal Khashoggi njoftojmë faljen e atyre që vranë babanë tonë, duke kërkuar shpërblim në Zotin e Plotfuqishëm.", ka shkruar Salah, i cili jeton në qytetin saudit të Jeddah./K.C/dritare.net
