"Finlanda duhet të jetë e vetëdijshme për përgjegjësinë dhe pasojat e anëtarësimit në NATO", kështu u shpreh ministria e jashtme e Rusisë në një deklaratë këtë të enjte, ku shtoi se Rusia do të detyrohet të ndërmarrë hapa hakmarrës nëse vendi bashkohet me aleancën .
"Deklarata e presidentit finlandez S. Niinistö dhe kryeministrit finlandez S. Marin, të cilët folën sot në favor të anëtarësimit të Finlandës në NATO, është një ndryshim rrënjësor në politikën e jashtme të vendit," thuhen në deklaratën e ministrisë së Jashtme ruse, duke shtuar se Helsinki duhet të jetë i vetëdijshëm për përgjegjësinë dhe pasojat e një lëvizjeje të tillë”.
Anëtarësimi i mundshëm i Finlandës në NATO do të shkaktonte dëme serioze në marrëdhëniet dypalëshe ruso-finlandeze, të cilat po ruajnë stabilitetin dhe sigurinë në rajonin e Evropës Veriore, tha ministria.
Rusia do të detyrohet të ndërmarrë hapa hakmarrës, të natyrës ushtarako-teknike ashtu edhe të natyrës tjetër, në mënyrë që të ndalojë kërcënimet ndaj sigurisë së saj kombëtare që dalin në këtë drejtim.
“Aderimi në NATO do të jetë gjithashtu një shkelje e drejtpërdrejtë e detyrimeve ligjore ndërkombëtare të Finlandës, kryesisht Traktati i Paqes i Parisit i vitit 1947 dhe Traktati i 1992 midis Rusisë dhe Finlandës mbi bazat e marrëdhënieve”, shprehet Ministria e Jashtme e Rusisë. Finlanda ndan një kufi prej 800 miljesh me Rusinë./CNN/Xh.Xh/dritare.net
