Mbreti Charles shkon në kishë për herë të parë, pas diagnozës me kancer!
E Hënë 12 Shkurt 2024, 10:10
Dritare.net
Mbreti Charles është shfaqur për herë të parë në publik, pas diagnostikimit me kancer. Charles është fotografuar së bashku me mbretëreshën, teksa vizitonin kishën në Sandringham, për shërbimin ditën e djeshme në mëngjes. Charles i shoqëruar nga mbretëresha Camilla, drejt rrugës për në kishën e Shën Marisë Magdalenës në një moment shihet duke përshëndetur të pranishmit, përpara se të hynte brenda.
Mbreti është duke u rikuperuar në Sandringham pas njoftimit publik për gjendjen e tij ndërsa në fundjavë falënderoi të gjithë mbështetësit që kishin shprehur urimet për shëndetin e tij. Mbreti është këshilluar nga mjekët që të shtyjë detyrat e tij me publikun ndërsa ai i nënshtrohet trajtimit. Buckingham Palace nuk ka zbuluar detaje të mëtejshme në lidhje me sëmundjen e mbretit, por ka thënë se nuk është kanceri i prostatës./M.K-dritare.net
