Lufta Izrael-Hamas, Papa Françesku i shqetësuar për sulmet!
E Shtunë 2 Dhjetor 2023, 08:08
Dritare.net
Papa Françesku ka telefonuar presidentin izraelit Isaac Herzog lidhur me luftën Izrael-Hamas.
Biseda mes dyshes u përshkrua si një telefonatë e ngarkuar, sipas një raporti të Washinton Post, duke cituar një zyrtar të lartë izraelit. Herzog i ka treguar Françeskut për nivelin e paprecedentë të tronditjes së ndjerë në Izrael pas sulmit të Hamasit më 7 tetor, ndërsa Papa ka deklaruar se është e ndaluar t'i përgjigjesh terrorit me terror. Një burim nga Vatikani konfirmoi për CNN se një telefonatë mes presidentit izraelit dhe Papës u zhvillua në fund të tetorit, por CNN nuk ka qenë në gjendje të verifikojë nëse Françesku përdori komentet e "terrorit".
Në një deklaratë për Washington Post, Vatikani tha: “Thirrja telefonike, si të tjerat, bëhet në kontekstin e përpjekjeve të Atit të Shenjtë që synojnë të frenojnë shtrirjen e konfliktit në Tokën e Shenjtë.”
Pak ditë pas telefonatës së tij me Herzogun, Papa foli me Presidentin e Autoritetit Palestinez Mahmud Abbas më 2 nëntor. Më 22 tetor, Françesku telefonoi Presidentin e Shteteve të Bashkuara Joe Biden për luftën. Papa e ka përshkruar publikisht luftën midis Izraelit dhe Hamasit si terrorizëm. Më 22 nëntor, gjatë një auditori të përgjithshëm në Sheshin e Shën Pjetrit, Françesku tha: Këtë mëngjes, prita dy delegacione, një i izraelitëve që kanë të afërm pengje në Gaza dhe një tjetër i palestinezëve që kanë të afërm që vuajnë në Gaza. Ata vuajnë aq shumë. Kjo nuk është luftë, ky është terrorizëm.
Papa ka bërë thirrje vazhdimisht për një armëpushim në luftën Izrael-Hamas dhe është në kontakt të rregullt me komunitetin katolik në Gaza./M.K-dritare.net
