Tubimi Kombëtar i ekstremit të djathtë të Francës (RN) nuk ka arritur të fitojë shumicën në zgjedhjet parlamentare, duke sfiduar pritshmëritë e shumë vëzhguesve politikë. Të gjitha mediat kryesore franceze po tregojnë parashikime të hershme të një fitoreje të aleancës së krahut të majtë, Fronti i Ri Popullor (NFP).
Udhëheqësi i RN-së Jordan Bardella tha se Franca ishte "privuar" nga një fitore e RN-së dhe ishte shtyrë drejt "pasigurisë dhe paqëndrueshmërisë".
Presidenti Macron është duke analizuar rezultatet, tha Pallati Élysée në një deklaratë dhe nuk pritet të komentojë sonte. Ky ishte raundi i dytë i votimit në zgjedhjet e parakohshme parlamentare të Francës, të cilat Macron i thirri papritur një muaj më parë.
Pasi Tubimi Kombëtar rezultoi mirë në raundin e parë javën e kaluar, kandidatët e majtë ose të qendrës në shumë vende u tërhoqën nga gara, një veprim taktik për të lejuar që votat anti-RN të përqendrohen në një pretendent. Zgjedhjet u zhvilluan në një atmosferë të tensionuar, me 30,000 policë të vendosur në të gjithë Francën. Panorama do të vazhdojë të bëhet më e qartë me daljen e rezultateve aktuale./K.C/dritare.net
