Kush është Kamala Harris, gruaja me ngjyrë në garë për zëvendëspresidente e SHBA!
E Mërkurë 12 Gusht 2020, 12:12
Dritare.net
Një ditë më parë, kandidati për president, Joe Biden e zgjodhi senatoren Kamala Harris si zëvendëspresidenten e SHBA-së, nëse ai fiton zgjedhjet në nëntor. Ajo është gruaja e parë me ngjyrë për postin e zëvendëspresidentes.
Por kush është Kamala Harris?
Ylli i senatit të Kombeve të Bashkuara, po ngrihej shpejt, ku ajo hyri në garën presidenciale si kandidatja nga demokratët në fillim të 2019-ës. Liberalët e dashuruan atë, pasi ishte fytyra e së ardhmes së partisë, një grua e re dhe me ngjyrë. Pavarësisht se hyri në garë si një pararendëse e menjëhershme, Harris, e cila ishte edhe e vetmja grua afrikano-amerikane që garonte, u largua në fund të vitit. Lufta e saj për të ruajtur mbështetjen u ndoq nga një paaftësi për të artikuluar pozicione të qarta politike dhe një kundërpërgjigje nga përpjekja për të sulmuar procesverbalin e rivalit në garë, Joe Biden gjatë një debati në qershor 2019.
Shumë njerëz menduan se kjo luftë i dha fund shanseve të saj për t'u konsideruar për pozicionin e zëvendëspresidentit. Por ata gabuan.
Në vitin 2010, Harris u bë gruaja e parë me ngjyrë që u zgjodh Përfaqësuese Ligjore e Kalifornisë në Senat. Ajo u rizgjodh në 2014-ën. Sipas Biden, kur Harris ishte avokate e përgjithshme në Kaliforni, ajo bashkëpunoi ngushtë me djalin e tij të ndjerë, Beau Biden.
Harris, 55 vjeçe, e bija e emigrantëve nga Xhamajka dhe India, u bë e njohur me aktivistët liberale për marrjen në pyetje, në mënyrë të ashpër të të emëruarve dhe zyrtarëve nga administrata e Presidentit Donald Trump, përfshirë edhe kandidatin e Gjykatës Supreme, Brett Kavanaugh dhe ish-Prokurorin e Përgjithshëm Jeff Sessions, gjatë seancave dëgjimore në Senat, informon dritare.net
Si një nga kritiket më të hershme të kongresit për politikat e Trump për imigracionin, Harris nxiti një marrëveshje për të mbrojtur nga dëbimi ata emigrantë që erdhën në vend pa dokumente kur ishin fëmijë, një grup i njohur si Ëndërrimtarët.
Harris bëri histori në vitin 2016 kur ajo u bë gruaja e parë me ngjyrë e zgjedhur në Senatin e SHBA-së, dhe ajo është distancuar nga kritikat për politikat e identitetit, term që sipas saj po e përdorin për të margjinalizuar problemet e racës, gjinisë dhe orientimit seksual.
Ajo ishte në mesin e një grushti demokratësh që morën në pyetje në mënyrë agresive Kavanaugh kur po konfirmohej në Gjykatës Supreme, duke dëgjuar për pikëpamjet e tij mbi abortin dhe për hetimin e këshilltarëve specialë për ndërhyrjet e mundshme ruse në zgjedhjet e vitit 2016.
Ajo prezantoi në Senat një projektligj për t'u dhënë familjeve me të ardhura më të ulëta, pagesa në dorë dhe kredi tatimore për të ndihmuar stanjacionin e pagave të luftës dhe rritjen e kostove të strehimit, dhe ajo ka qenë një avokate e fortë e reformave të drejtësisë penale./Përshtati: Kadrije Çako/dritare.net
