Kriza energjitike në Evropë/ Norvegjia bashkëpunon me BE-në për furnizime shtesë me gaz!
E Enjte 23 Qershor 2022, 17:05
Dritare.net
Ministria e naftës dhe energjisë e Norvegjisë tha se Bashkimi Evropian dhe Norvegjia ranë dakord ditën e sotme për të forcuar më tej bashkëpunimin e tyre në fushën e energjisë, duke i ofruar BE-së furnizime shtesë me gaz.
“Kemi pasur një takim të mirë dhe konstruktiv, ku ramë dakord që të bashkëpunojmë edhe më ngushtë në fushën e energjisë. Pushtimi rus i Ukrainës ka bërë të domosdoshëm një bashkëpunim më të ngushtë”, tha ministrja norvegjeze e naftës dhe energjisë, Terje Aasland.
Një deklaratë e përbashkët nga BE dhe Norvegjia vuri në dukje se prodhimi i naftës dhe gazit të Norvegjisë për sigurinë energjetike evropiane është rritur më tej pas luftës së pajustifikuar dhe të paprovokuar të agresionit të Rusisë kundër Ukrainës".
Sipas deklaratës, Norvegjia aktualisht jep afërsisht një të katërtën e konsumit të gazit të vendeve të BE-së dhe po prodhon gaz me kapacitet shumë të lartë.
Kriza energjetike e Evropës u përshkallëzua këtë muaj pasi Rusia reduktoi më tej furnizimet për Gjermaninë, Italinë dhe anëtarët e tjerë të Bashkimit Evropian. Dymbëdhjetë vende të BE-së janë prekur deri më tani nga shkurtimet e furnizimit me gaz rus, tha të enjten shefi i politikës klimatike të bllokut Frans Timmermans.
Kompania shtetërore ruse e gazit Gazprom shkurtoi flukset përmes gazsjellësit Nord Stream 1 për në Gjermani me 60% javën e kaluar, duke fajësuar këtë veprim te vendimi i Perëndimit për të ndaluar turbinat jetike për shkak të sanksioneve. Gjigandi italian i energjisë ENI tha se Gazprom po shkurtonte furnizimet e tij me 15%./M.K/dritare.net
