Izraeli tha se do t'i përgjigjet sulmit të mbrëmshëm. Kërcënon Irani
E Mërkurë 2 Tetor 2024, 17:05
Dritare.net
Forcat izraelite dhe luftëtarët e Hezbollahut të mbështetur nga Irani janë angazhuar në luftime në terren në Libanin jugor, pasi Irani nisi sulmin ndaj Izraelit të martën. Ushtria izraelite tha se tetë ushtarë u vranë në luftime gjatë ditës së sotme.
Irani lëshoi rreth 200 raketa balistike të cilat u rrëzuan nga mbrojtja izraelite me ndihmën e SHBA-së dhe aleatëve të saj. Irani tha se sulmi ishte në përgjigje të vrasjeve të shefit të Hezbollahut, Hassan Nasrallah dhe liderit politik të Hamasit, Ismail Haniyeh.
Kryeministri izraelit Benjamin Netanyahu tha se Irani kishte bërë një gabim të madh dhe do ta paguajë, ndërsa frika rritet për një luftë më të gjerë të gjithanshme midis dy fuqive ushtarake rajonale. Shefi ushtarak i Iranit paralajmëroi për sulme më të gjera nëse Izraeli përgjigjet.
Njerëzit në Teheran janë në rrezik përpara një sulmi të mundshëm hakmarrës ndaj Iranit. Në Liban, sulmet ajrore izraelite kanë vrarë qindra njerëz dhe kanë zhvendosur rreth 1 milion banorë./K.C/dritare.net
