Hamasit pranoi rezolutën e OKB-së për armëpushimi, Blinken: Lufta mund të marrë fund shpejt!
E Martë 11 Qershor 2024, 12:12
Dritare.net
Hamasi ka pranuar një rezolutë të Këshillit të Sigurimit të OKB-së për armëpushimin. Lidhur me këtë zhvillim, sekretari amerikan i shtetit Antony Blinken shprehet se rezoluta e OKB-së rrit shpresën që lufta të marrë fund. Bisedimet mbi planet për Gazën pas armëpushimit do të vazhdojnë të martën pasdite dhe në dy ditët e ardhshme, tha Blinken.
Blinken paralajmëroi gjithashtu se sa më gjatë të vazhdojë fushata ushtarake në Gaza, aq më shumë rajoni më i gjerë rrezikon një luftë.
Këshilli i Sigurimit i OKB-së ka miratuar një rezolutë për armëpushim, hera e parë që ky organ miraton një marrëveshje gjithëpërfshirëse paqeje për t'i dhënë fund luftës në Gaza. Plani kërkon një shkëmbim fillestar të pengjeve të moshuar, të sëmurë ose femra të mbajtur nga Izraeli gjatë një armëpushimi fillestar gjashtë-javor. Kjo do të evoluonte në një fund të përhershëm të armiqësive dhe lirimin e të gjithë pengjeve në një fazë të dytë që do të negociohej nga të dy palët dhe ndërmjetësuesit e SHBA-së, Katarit dhe Egjiptit.
Një fazë e tretë do të përfshinte një përpjekje të madhe rindërtimi. OKB-ja ka vlerësuar se gjysma e të gjitha ndërtesave në Gaza janë shkatërruar nga bombardimet izraelite.
Megjithatë, ministri i financave i Izraelit, tha se do të kundërshtonte çdo marrëveshje, pasi sipas tij lirimi i të burgosurve palestinezë do të çonte në vrasjen e hebrenjve./M.K-dritare.net
