Gigi Hadid dhe Zayn Malik, do të bëhen prindër për herë të parë
E Mërkurë 29 Prill 2020, 13:01
Dritare.net
Gigi Hadid dhe i dashuri i saj, Zayn Malik janë në pritje të fëmijës së tyre të parë. Burime familjare thanë për TMZ-në se supermodelja është shtatzënë me 27-vjeçarin, ish-këngëtarin e One Direction.
Ende nuk dihet nëse çifti e ka marrë vesh gjininë e bebit, por të dyja familjet janë të gëzuara nga ky lajm kaq i bukur.
Lajmi vjen disa ditë pasi Gigi festoi 25-vjetorin e lindjes në fermën e familjes së saj, në Pensilvani në izolim, për shkak të kufizimeve për të penguar përhapjen e COVID-19 në SHBA.
Gigi dhe Zayn u lidhën në 2015-ën. Tri vjet më vonë ata u ndanë, por u ribashkuan vitin e kaluar dhe tani do të bëhen mami dhe babi. Asnjëri prej tyre nuk e ka konfirmuar zyrtarisht shtatzëninë./K.C/dritare.net
