Foto/ Të veshur sportivë, me kapele dhe maska, princi Harry dhe Meghan shpërndajnë ndihma në Los Anxhelos
SHKRUAR MË 19 Prill 2020
Dritare.net
Princi Harry dhe Meghan Markle vijojnë me misionin e tyre të bamirësisë. Sot ata janë fotografuar nga mediet, duke u shpërndarë ushqim familjeve që janë prekur nga koronavirus, në Los Anxhelos. Edhe dje, në një video të kapur nga kamerat e sigurisë, u shfaq çifti mbretëror duke i çuar ushqim në shtëpi, një familjeje në nevojë.
Ndihmat që po shpërndajnë Harry dhe Meghan janë mbledhur nga britanikët dhe sipas princit janë të shumtë ata që kanë kontribuuar për të ndihmuar njerëzit që kanë nevojë në Los Anxhelos.
Harry shprehet krenar për reagimin e popullit britanik ndaj pandemisë.
Çifti mbretëror u transferua në Los Anxhelos bashkë me djalin e tyre 11-muajsh, një muaj më parë dhe në fillim të kësaj jave ata kanë dalë rrugëve për të ndihmuar ata që kanë nevojë përmes Project Angel Food.
Duka dhe Dukesha e Sussex fillimisht u transferuan në Kanada pasi u tërhoqën nga titujt mbretërorë më 31 mars, por tani ata morën shtëpi në Kaliforni.
Kjo është hera e dytë që çifti ka dalë në qytetin e tyre të ri që nga zhvendosja, pasi u panë dje duke shëtitur me dy qentë e tyre si pjesë e rutinës së përditshme të stërvitjes./K.C/dritare.net
