Fitorja vendimtare e Donald Trump në zgjedhje kishte të bënte me shumë gjëra: një refuzim global të pushtetarëve, një rritje në elektoratin republikan dhe një betejë për të ardhmen e demokracisë së Amerikës. Por votuesit vazhdimisht dhe në mënyrë të përsëritur thanë se çështja nr. 1 në këto zgjedhje ishte ekonomia.
Kjo shpjegon shumë përse Trump u rizgjodh.
Nga disa metrika kryesore, ekonomia e SHBA-së është shumë lart, e ka zili pjesa tjetër e botës. Por amerikanët ende e shohin atë në mënyrë të pafavorshme dhe shumë votues fajësojnë Presidentin Joe Biden dhe kundërshtaren e Trump-it, zëvendëspresidenten Kamala Harris, për dështimin për të bërë përmirësime të mjaftueshme në situatën financiare të amerikanëve gjatë katër viteve të fundit. Sondazh pas sondazhi del se amerikanët kanë pikëpamje kryesisht negative për ekonominë amerikane.
Kjo për shkak se ndjenja ekonomike nuk përputhet gjithmonë mirë me të dhënat që tregojnë se ekonomia po shton vende pune, shpenzimet e konsumatorit po rriten dhe produkti i brendshëm bruto, masa më e gjerë e ekonomisë, vazhdon të lulëzojë. Nëse paguani shumë dollarë për një filxhan kafe ose nëse nuk keni mundësi të blini një shtëpi, këto të dhëna janë të pakuptimta: ndiheni të përjashtuar nga Ëndrra Amerikane./K.C/dritare.net
