Balona kineze mbi SHBA, flet për herë të parë Joe Biden!
E Shtunë 4 Shkurt 2023, 19:07
Dritare.net
Presidenti Joe Biden thotë se SHBA-ja do të kujdeset për balonën që dyshohet se është e Kinës që u kap duke fluturuar dje në SHBA.
Biden, i cili nuk tregoi detaje të mëtejshme, po përballet me presion të madh brenda vendit për të rrëzuar objektin. Zyrtarët kundërshtuan rrëzimin e balonës për shkak të rrezikut të rënies së copave të saj.
Incidenti vjen në mes të tensioneve midis SHBA-së dhe Kinës, ndërsa Sekretari i Shtetit të SHBA-së Antony Blinken anuloi një udhëtim në Pekin bazuar nga kjo ngjarje.
Blinken tha se prania e balonës vëzhguese ishte një akt i papërgjegjshëm. Megjithatë, Kina e cila thotë se është një balonë e humbur për shkak të moti të keq, ka kërkuar që kjo mosmarrëveshje të trajtohet me mendje të ftohtë,
Balona gjigante e bardhë u vu re për herë të fundit mbi Misuri dhe pritet të arrijë në bregun lindor të SHBA-së pranë Karolinës gjatë fundjavës. Ndërkohë SHBA-ja raportoi për një balonë të dytë kineze që lundronte mbi Amerikën Latine./K.C/dritare.net
