Analiza/ Çfarë ndodhi në zgjedhjet shokuese të Francës!
E Hënë 8 Korrik 2024, 10:10
Dritare.net
Nga Paul Kirby, BBC News
Askush nuk e priste fitoren e të majtëve, në zgjedhjet parlamentare franceze. Të gjithë u tronditën!
Pasi të gjithë prisnin fitoren e së djathtës ekstreme të Marine Le Pen dhe kandidatit Jordan Bardella. Të gjitha mediat kryesore shpallën fitoren e aleancës së krahut të majtë, Fronti i Ri Popullor (NFP) dhe të Jean-Luc Mélenchon.
"Presidenti duhet t'i bëjë thirrje Frontit të Ri Popullor për të qeverisur”, u tha Jean Luc mbështetësve në sheshin e Stalingradit, duke këmbëngulur se Macron duhej të pranonte humbjen.
Aleanca e tij, e krijuar me nxitim për zgjedhjen e papritur të Presidentit Macron, përfshin radikalët e tij France Unbowed, së bashku me të Gjelbrit, Socialistët dhe Komunistët. Franca do të ketë një parlament të varur. Asnjë nga tre blloqet nuk mund të formojë një shumicë të plotë nga 289 vende në parlamentin me 577 vende.
Vetëm një javë më parë, të gjithë ishin të bindur për fitoren absolute të Marine Le Pen dhe Jordan Bardella.
"Dy vjet më parë kishim vetëm shtatë deputetë. Sonte RN është partia e parë në Francë për sa i përket numrit të deputetëve”, shprehej Le Pen.
Në parlamentin e kaluar kishin 88 deputetë dhe tani më shumë se 140, ndaj kishte të drejtë. Dhe asnjë parti tjetër nuk ka më shumë se 100 deputetë, sepse makronistët dhe Fronti Popullor janë të dy koalicione. Më shumë se 200 kandidatë që e shihnin veten si pjesë e një fronti republikan, u tërhoqën nga raundi i dytë. As motra e vogël e Marine Le Pen, Marie-Caroline, nuk fitoi betejën zgjedhore. Përpjekja e saj për të hyrë në parlament dështoi me vetëm 225 vota, e mundur nga kandidatja e Mélenchon, Elise Leboucher, pasi kandidati i Macron u tërhoq.
Pjesëmarrja, me 66.63%, ishte më e larta në një raund të dytë parlamentar që nga viti 1997. Edhe nëse vota e RN-së rezistoi, këtë herë ajo duhej të përballej me votat jo-RN. Në të gjithë Francën, RN po humbte balotazhet që i nevojiteshin për të fituar. Marie-Caroline Le Pen nuk ishte në gjendje të rriste përfaqësimin e familjes së saj në parlament. Pasi hodhi votën e saj, Claudine tha se njerëzit që ajo njihte prireshin të mos pranonin të votonin RN, përveç nëse ishin me miq të ngushtë. Përpara rezultatit të parashikuar në orën 20:00, kishte spekulime të zjarrta nëse Presidenti Macron do të dilte dhe do të fliste. Fjala u përhap se ai kishte shkuar në një takim 90 minuta më parë.
Të gjithë sytë janë tani tek presidenti, i cili do të duhet të gjejë një rrugëdalje nga ky ngërç. Asambleja e re Kombëtare do të mblidhet pas 10 ditësh, por Lojërat Olimpike të Parisit fillojnë më 26 korrik dhe Franca mund të ketë një pauzë./M.K-dritare.net
