Aeroporti i Romës vendi i parë në BE që do të kryejë fluturimet “Covid Free”, me SHBA
E Enjte 26 Nëntor 2020, 20:08
Dritare.net
Një aeroport në Itali pretendon të hapë korridorin e parë ajror "COVID-free" mes Bashkimit Evropian dhe Shteteve të Bashkuara të Amerikës.
Pasagjerët që udhëtojnë nga aeroporti “New York Newark” në aeroportin “Fiumicino”, afër Romës, nga dhjetori do të jenë në gjendje të shmangin karantinën pas mbërritjes në destinacion.
Atyre që udhëtojnë nga SHBA-ja do t'u kërkohet të kryejnë një test molekular ose antigjenik brenda 48 orëve para se të hipin në bord dhe një test të shpejtë antigjenik pas mbërritjes në Romë.
Aeroporti ka operuar fluturime "COVID-free" me Milanon që nga shtatori dhe ka ngritur një qendër testimi të shpejtë në një nga terminalet e mbërritjeve, me rezultatet e dorëzuara jashtë brenda 30 minutash.
"Kjo fazë pilot synon të vlerësojë efektivitetin dhe funksionalitetin e procedurave të reja të udhëtimit, duke kërkuar ta bëjë atë gjerësisht të disponueshëm në sezonin e verës së vitit të ardhshëm.”, kanë deklaruar autoritetet e Aeroportit të Romës./M.M/dritare.net
