15 të vdekur dhe dhjetëra të plagosur nga zjarri në Kinë!
E Shtunë 24 Shkurt 2024, 12:12
Dritare.net
Pesëmbëdhjetë persona kanë humbur jetën dhe më shumë se 40 të tjerë janë plagosur pasi një zjarri në një apartament në Kinën lindore. Pamjet e shpërndara në rrjetet sociale treguan flakë dhe shtëllunga tymi të zi që përfshinin disa kate të ndërtesës në qytetin Nanjing. Zyrtarët sugjeruan se zjarri filloi në katin e parë të ndërtesës, ku po ruheshin biçikletat elektrike. Ndërtesa ndodhet në rrethin Yuhuatai të Nanjing, një qytet me më shumë se tetë milionë banorë që shtrihet rreth 162 milje (260 km) në veri-perëndim të Shangait.
Njëzet e pesë makina zjarrfikëse dhe 130 zjarrfikës u dërguan për të shuar flakët, citon BBC.
Deri në orën 06:00 (22:00 GMT), zjarri ishte shuar, ndërsa operacioni i kërkim-shpëtimit përfundoi rreth orës 14:00. Nga 44 personat e lënduar të dërguar në spital për trajtim, njëri është në gjendje kritike dhe një tjetër i plagosur rëndë, thanë zyrtarët. Në një konferencë për shtyp, kryebashkiaku i Nanjing, Chen Zhichang u shprehu ngushëllime dhe falje familjeve të viktimave./M.K-dritare.net
