Sylvinho largohet nga Kombëtarja Shqiptare pas humbjes me Poloninë?!
E Premte 27 Mars 2026, 18:06
Dritare.net
Humbja 2–1 ndaj Polonisë në Varshavë duket se shënoi fundin e periudhës së Sylvinhos si trajner i Kombëtares Shqiptare. Edhe pse kontrata e tij zgjaste deri në korrik 2026, pas këtij rezultati një zgjatje e mëtejshme duket e pamundur.
Braziliani kishte marrë drejtimin e kuqezinjve në fillim të vitit 2023 dhe kontrata iu zgjat me 6 muaj pas sigurimit të Play-Off-it për Botërorin 2026. Ai do të qëndrojë në stol edhe për sfidën e ardhshme ndaj Ukrainës, më 31 mars, që nuk do të ndikojë në fatin e tij.
Rrugëtimi i Sylvinhos do të përfundojë zyrtarisht në korrik, ndërsa në qershor Kombëtarja ka dy ndeshje miqësore, të cilat do të jenë momentet e fundit të brazilianit nën drejtimin e kuqezinjve.
Megjithatë, periudha e tij do të mbahet mend për rritjen e imazhit të ekipit dhe kualifikimin për herë të dytë në Kampionatin Evropian 2024, edhe pse ëndrra e Kupës së Botës mbetet ende e paplotësuar dhe sfida kryesore e pasardhësit të tij./K.C/dritare.net
