Nuk bëjnë pjesë në planet e Zinedin Zidanes/ Shumë lojtarë drejt largimit nga Real Madridi
E Mërkurë 12 Gusht 2020, 15:03
Dritare.net
Pas eleminimit në Ligën e Kampionëve, Zinedin Zidane ka nisur punën për sezonin e ri. Tekniku francez po planifikon të ndërtojë një skuadër të re dhe për këtë arsye priten shumë largime nga Reali.
Zidane tashmë e ka gati listën e ojtarëve që nuk janë në planet e tij dhe këtë fakt u ka bërë me dije edhe atyre, në mënyrë të tillë që të mos të humbasin kohë dhe të kërkojnë për një skuadër të re.
I pari që pritet të largohet është ullesiani Gareth Bale, i cili nuk ka një raport të mirë me francezin. Por ullesiani është zotuar se nuk do të largohet deri në përfundim të kontratës dhe Realit i duhet ta bindë. Pjesë e listës janë edhe Lucas Vazquez, Brahim Diaz, Luka jovic, Isco, Nacho dhe Marselo.
Sipas mediave vendase, tekniku francez po përpiqet të sjellë në Santiago Bernabeu yllin e PSG-së, Kylian Mbappe, madje për këtë arsye po largon një sërë lojtarë nga ekipi që të bëjë të mundur këtë transferim.
Në objektivat e Zidanes është edhe argjentinasi Paulo Dybala, për të cilin i ka ofruar Juventusit një shumë prej 100 milionë eurosh dhe shërbimet e lojtarit gjerman Toni Cross.
Zidane po përpiqet që të krijojë një ekip të ri, me një stil të ri loje, në mënyrë që madrilenët të dominojnë në Spanjë dhe jashtë saj./R.P/dritare.net
