Nesër moment vendimtar për Shqipërinë. Lara Colturi nis e para në slalomin e saj më të fortë
E Martë 17 Shkurt 2026, 21:09
Dritare.net
Pas debutimit në Lojërat Olimpike Dimërore Milano Cortina 2026 të dielën në slalomin gjigant, skiatorja kuqezi Lara Colturi do të rikthehet nesër në pistë, këtë herë në disiplinën e saj të preferuar, slalom.
19-vjeçarja do të jetë e para që do të nisë zbritjen në lëshimin e parë, i cili fillon në orën 10:00. Pritshmëritë për një medalje historike në këto Lojëra janë të mëdha, sidomos pasi këtë sezon në Kupën e Botës ajo është ngjitur katër herë në podium, duke marrë dy vende të dyta dhe dy të treta.
Favoritet kryesore në slalom (Kupës së Botës)
Paula Moltzan – renditet e 6-ta në Kupën e Botës
Camille Rast – renditet e 2-ta
Katharina Truppe – renditet e 4-ta
Wendy Holdener – renditet e 3-ta
Lena Dürr – renditet e 9-ta
Mikaela Shiffrin – renditet e para
Sara Hector – renditet e 10-ta
Emma Aicher – renditet e 8-ta
Anna Swenn Larsson – renditet e 7-ta
Tradita tregon se medalistet zakonisht dalin nga ky grup sportistesh. Shiffrin kryeson renditjen me 780 pikë dhe ka fituar shtatë nga tetë garat e slalomit këtë sezon, duke u renditur e dyta vetëm në një rast, një dominim i rrallë në këtë disiplinë këtë dimër.
Në garë do të jenë gjithashtu edhe Semire Dauti (nis e 78-ta), Lisa Brunga (e 84-ta) dhe Kiana Kryeziu (e 85-ta), me start po ashtu në orën 10:00./K.C/dritare.net
