Xhemi Shehu pjesë e një televizioni të ri? Ja çfarë thotë ajo!
E Mërkurë 28 Tetor 2020, 15:03
Dritare.net
Moderatorja Xhemi Shehu këtë sezon, nuk është më pjesë e Portokallisë. Pas shumë viteve ajo u shkëput nga ky program, por jo nga vëmendja e mediave. Mungesa e saj, reagimet apo edhe heshtja, janë shpesh në fokus të mediave rozë.
Fakti që deri më tani, ajo nuk ka konfirmuar asnjë plan për televizion, ka bërë që në jo pak lajme të aludohet se pjesë e kujt programi do të jetë në të ardhmen.
Së fundmi, ajo është shfaqur në promon e emisionit të ri të Eni Shehut "Nuk është karantinë". Kaq mjaftoi për të ‘konfirmuar’ se Xhemi do të jetë pjesë e Abc News.
E kontaktuar nga Dritare.net, moderatorja mohoi lajmin. Ajo u shpreh se është e ftuar në një nga rubrikat e emisionit ku flet për fitness-in.
Ku do ta shohim Xhemin së shpejti? Epo ju duhet të prisni edhe pak kohë për ta mësuar!/L.F-dritare.net
