Vipat shqiptar në Mykonos, por sa kushton të pushosh atje?
E Hënë 6 Shtator 2021, 20:08
Dritare.net
Me heqjen e masave për shkak të pandemisë, këtë verë u rikthyen udhëtimet jashtë vendit. Nga ajo që shikohet në instagram, Mykonos ka qenë një ndër destinacionet më të preferuara të vipave shqiptarë. Alketa Vejsiu, Rozana Radi, e së fundmi Luana Vjollca, pushuan në ishullin më të bukur të Greqisë.
Mykonos është i famshëm për jetën e natës, festat në plazh, dyqanet dhe patjetër për kuzhinën e shijshme mesdhetare. Ishulli është veçanërisht i popullarizuar me të pasurit dhe të famshmit dhe shpesh quhet parajsa e VIP-ave. Por sa kushton të pushosh në Mykonos?
Njihet si ishulli më i shtrenjtë grek. Në një artikull në JTG Travel thuhet se kostoja mesatare për një javë në Mykonos është minimalisht 2 mijë dollar për një person, 3500 dollarë për çifte dhe 8 mijë dollar për familjet. Këto janë kostot minimale, ndërsa ato maksimale mund të shkojnë në mijëra e mijëra dollarë. Ja një përmbledhje e shpenzimeve (minimale) ditore në Mykonos.
Ushqimi në restorant-20 dollarë për person
Ujë në supermarket-1.30 dollarë
Coca-Cola-4 dollarë
Një natë në hotel- 120 dollarë
Turne privat në ishull (gjysmë dite) 85 dollarë.
Si rregull i përgjithshëm, sa më larg të largoheni nga Mykonos Town aq më shumë do të ulen shpenzimet. Megjithatë ky ishull, nuk është për ata që numërojnë qindarkat para se të nisen me pushime!/L.F-dritare.net
