Nuk ka më dyshime, Arbana Osmani do të prezantojë "Big Brother VIP"!
E Martë 17 Gusht 2021, 17:05
Dritare.net
Është konfirmuar dhe s’ka më vend për dyshime. Big Brother po rikthehet së shpejti dhe moderatorja e këtij programi do të jetë Arbana Osmani.
Në promon e re të “Big Brother VIP” dëgjohet zëri i moderatores,duke konfirmuar zërat se programi do të drejtohet nga ajo. Lajmin e ka konfirmuar vetë moderatorja përmes një statusi në "Instagram".
"13 vite më parë, kur isha vetëm 25 vjeç, Tani më besoi drejtimin e spektaklit që do të gozhdonte shqiptarët para ekranit për gati një dekadë. Dita kur në celularin tim ka ardhur mesazhi i tij “Urime për Big brother” ka qenë një nga ditët më të lumtura të jetës sime, e megjithatë kurrë nuk ma kishte marrë mendja që “Big brother” do identifikohej aq shumë me mua dhe unë me të sa që me kalimin e viteve mu bë si mbiemër:) Kur në prill të këtij viti drejtuesit e Top Channel më kërkuan drejtimin e formatit pikërisht sepse “nuk ka asnje kuptim nëse nuk je ti” gëzova njësoj si para 13 viteve, por nuk doja ta ndaja me ju pa filluar puna. Që atëherë, bashkë me një skuadër fantastike kemi punuar dhe po punojmë çdo ditë për të risjellë në sezonin e ri në ekranin e Top Channel programin që prisni prej 4 vitesh. Me besimin që do te jetë një edicion i paharrueshëm, emocionues, drithërues e dinjitoz, siç e meriton. Shihemi në tetor, me Big Brother Vip @topchannelalbania", ka shkruar Arbana./M.M-dritare.net
View this post on Instagram
