Moderatorja e ëmbël, Fatma Methasani, s'ka shumë që është bërë nënë për herë të parë. Në një intervistë për Orinda Hutën ajo rrëfeu emocionet, dhe vështirësitë e të qenit një mama e re.
Nuk u përlot kur foli për Noah, djalin e saj, por ama lotët i dolën kur përmendi mamanë e bashkëshortit, e cila është një njeri i rëndësishëm për moderatoren.
"Nuk gjej një mënyrë për ta falënderuar. Më ka ndihmuar tmerrësisht shumë, edhe është e mrekullueshme. Ishte diçka që unë nuk dija ta bëja, isha mësuar që dilja në mëngjes dhe vija në darkë. Kisha sigurisht shumë frikë.
Edhe Alfio kishte një profesion që dilte në mëngjes dhe vinte në darkë. E kam përjetuar shumë keq faktin që Noah nuk kishte shtuar peshë sa duhet. Prindërit e Alfios lanë praktikisht gjithçka dhe erdhën, kanë qëndruar me mua në shtëpi. Nëse ka një njeri që unë i detyrohem tej mase shumë, për gjithë situatën si para lindjes dhe pas lindjes është mami i Alfios, që sinqerisht e dua shumë", tha moderatorja./L.F-dritare.net
