Foto/ Mënyra e veçantë si Vesa Luma u prezanton miqve të huaj, Kosovën dhe Shqipërinë!
E Martë 19 Maj 2020, 11:11
Dritare.net
Një nga mënyrat më të mira për të rritur ekonominë pas krizës së koronavirusit është përmes turizmit. Është në dorën tonë të ndihmojmë vendin që ta tejkalojë këtë krizë. Ndaj këtë verë më e mira që mund të bëjmë është të pushojmë shqip. E pse jo të ftojmë edhe miqtë tanë të huaj të vijnë në Shqipëri dhe të eksplorojnë vendet e magjishme që ka vendi ynë.
Tashmë të famshmit kanë nisur një fushatë reklamuese për turizmin në Shqipëri.
Prej vitesh gazetarja, Rudina Xhunga reklamon turizmin shqiptar, nga veriu në jug me moton “Pusho shqip!”
Edhe producenti, Turjan Hysko pak ditë më parë hapi një sfidë po me moton: “Pusho shqip!”
Dhe nuk janë të vetmit, jo.
Këngëtarja e njohur, Vesa Luma ndonëse jeton jashtë, sytë gjithmonë i ka nga Shqipëria dhe Kosova.
Sot, Vesa ka ftuar miqtë e saj të huaj të vizitojnë Shqipërinë e Kosovën.
Ajo ka postuar një fotoreportazh me zonat më të bukura nga Shqipëria dhe Kosova, ndërsa u prezanton të huajve dy vendet e saj të zemrës.
“Të dashur miq, më lejoni t'ju prezantoj në vendin tim të bukur, me pamje të mrekullueshme dhe peizazhe të bukura që mund t’i admironi në distancë. Mbase mund t’i shihni me sytë tuaj këtë vit.”,- shkruan Vesa në Instagram./K.C/dritare.net
