Bashkëshortja e Granit Xhakës poston momentin special në familje!
E Hënë 3 Gusht 2020, 15:03
Dritare.net
Leonita Xhaka, bashkëshortja e futbollistit të njohur Granit Xhaka, ditën e sotme ka ndarë me ndjekësit e saj në Instagram një moment shumë special. Për herë të parë u takuan dy vogëlushët, Ayana dhe Klevis.
Ayana është vajza e futbollistit Granit Xhaka e cila erdhi në jetë në tetor të vitit të kaluar, ndërsa Klevis është djali i vëllait të madh, Taulant Xhaka, i cili u bë baba në mars të këtij viti.
Kufizimi i lëvizjeve për shkak të pandemisë ka bërë që dy vogëlushët të mos ishin takuar deri sot. Taulanti luan për Basel në Zvicër, ndërsa Graniti jeton në Londër dhe është pjesë e Arsenalit, i cili fitoi Fa Cup dy ditë më parë.
Leonita dhe Arbnora, bashkëshortet e dy futbollistëve, janë tepër aktive në Instagram dhe shpeshherë postojnë foto me të vegjlit e tyre. Gjithashtu dy kunatat gëzojnë një raport të mirë shoqërorë./R.P/dritare.net
