Nga Arben Dedaj
Ka rreth një vit që ndjek Dritare TV dhe më vjen mirë se puna juaj po vlerësohet. Shikueshmëria është tashmë në të njëjtin nivel dhe shpesh herë, edhe më e lartë se kanalet historike si TCH, TV Klan etj.
Numri i abonentëve tek Dritare TV, në YouTube për një vit gati është trefishuar. Vjet mos gaboj, në këtë kohë kanali kishte rreth 35 mijë abonentë, sot numëron gati 100mijë. Kjo audiencë e shumtë dhe nuk është aksidentale dhe kam vënë re se audienca është shumë e rafinuar.
Shqiptarët po e kuptojnë përditë e më shumë diferencën mes gazetarëve dhe medieve që respektojnë veten dhe profesionin që kanë zgjedhur duke raportuar lajme dhe jo duke i fabrikuar ajo, duke i “pre dhe i qep” ato sipas orekseve të padronëve të tyre. Apo sipas interesave speciale që e po e plakin atë vend prej 32 vitesh. Kanalit Dritare TV i uroj suksese, uroj që të vazhdojnë ta nderojnë profesionin e gazetarit ashtu siç e njohim.
Vitin tjetër uroj të jenë 300 mijë abonentë./dritare.net
