Letër për Rudinën: Na ndihmo të ndërtojmë bibliotekën e shkollës!
E Hënë 30 Tetor 2023, 13:01
Dritare.net
Nga Oriona Hoxhaj
Përshëndetje e dashur Rudina!
Jam një vajzë në klasën e XI në fshatin Cakran.
Jam shumë e dhënë pas librave dhe si senatore e klasës dhe bashkë me senatorët e klasave të tjerë kam shtruar si ide që nëse keni mundësi, të na ndihmoni me mbledhjen e disa librave. Nxënësit janë të interesuar, por jo të gjithë kanë mundësi t’i blejnë ato.
Kemi bërë organizimin e bibliotekës në shkollën tonë, jemi munduar secili sado pak të kontribuoj në blerjen e disa prej librave. Kemi bërë shumë thirrje në vende të tjera, por pa sukses.
Me këtë mesazh drejtuar ju, mundohem të realizoj dëshirën tonë të përbashkët.
Nëse kjo dëshirë e jona realizohet, do t’ju jemi mirënjohës!/dritare.net
