Të freskëta, konservuara apo fermentuara. Si të zgjedhim perimet dhe frutat e duhura!
E Martë 28 Maj 2024, 14:02
Dritare.net
The Guardian
Rritja e kostos së jetesës po ndikon në mënyrën se si ne i shpenzojmë paratë tona. Për shumë njerëz rritja e çmimeve ndikon në kufizimin e blerjeve të produkteve që janë të domosdoshme.
Në mënyrë të drejtpërdrejtë, rritja e kostos së jetesës po ndikon në moskonsumimin e frutave dhe perimeve të freskëta. Një studim i fundit tregoi se australianët po konsumonin më pak fruta dhe perime në 2022-2023 sesa një vit më parë.
Udhëzimet dietike australiane rekomandojnë që njerëzit nga nëntë vjeç e lart duhet të konsumojnë dy racione fruta dhe pesë racione perime çdo ditë për një shëndet optimal. Por në vitin 2022 ABS raportoi se vetëm 4% e australianëve plotësuan rekomandimet për këtë sasi konsumi të frutave dhe perimeve.
Frutat dhe perimet janë thelbësore për një dietë të shëndetshme dhe të ekuilibruar, duke siguruar një sërë vitaminash dhe mineralesh, por edhe fibra.
Por nëse nuk konsumohen të freskëta, ka disa mënyra se si ju të merrni përfitimet nga ky grup ushqimor.
Produktet e ngrira
Produktet e freskëta shpesh cilësohen si më të mirat. Por kjo nuk është domosdoshmërish e vërtetë.
Perimet e ngrira mund të kenë sasi ushqyese më të larta, si vitamina C dhe E pasi ngrihen shpejt shumë afër kohës së korrjes. Ndryshimet në transport dhe ruajtje mund të ndikojnë pak në këto sasi.
Mineralet si kalciumi, hekuri dhe magnezi qëndrojnë në nivele të ngjashme në produktet e ngrira në krahasim me ato të freskëta.
Përveç blerjes së frutave dhe perimeve të ngrira nga supermarketi, ju mund t'i ngrini vetë produktet në shtëpi nëse i merrni nga kopshti ose kur prodhimet mund të jenë më të lira.
Perimet e ngrira nuk do të jenë të përshtatshme për sallata, por mund të hahen të pjekura ose të ziera në avull dhe të përdoren për supa, tava apo byrekë. Frutat e ngrira mund të shtohen në pjatat e mëngjesit me drithëra ose kos ose të përdoren në gatim për byrekë me fruta dhe ëmbëlsira.
Produktet e konservuara
Perimet dhe frutat e konservuara në mënyrë të ngjashme shpesh ofrojnë një alternativë më të lirë se sa produktet e freskëta. Procesi i konservimit është teknika e ruajtjes, kështu që nuk ka nevojë të shtoni ndonjë konservues shtesë, përfshirë këtu edhe kripën.
Për shkak të procesit të gatimit, nivelet e lëndëve ushqyese të ndjeshme ndaj nxehtësisë si vitamina C do të ulet pak në krahasim me produktet e freskëta.
Produktet e fermentuara
Fermentimi po përdoret shumë së fundmi por në fakt është një nga teknikat më të vjetra të përpunimit dhe ruajtjes së ushqimit.
Fermentimi ruan kryesisht vitaminat dhe mineralet në perimet e freskëta.
Ushqimet e fermentuara përmbajnë probiotikë, të cilët janë të dobishëm për mikrobiomën tonë të zorrëve.
Pesë këshilla të tjera për të marrë rregullimin tuaj të ri
Pavarësisht se alternativat për të zëvendësuar frutat dhe perimet nuk mungojnë, sërish vlerat më të larta ushqimore, mund të merren nesë i konsumojmë të freskëta.
Disa këshilla për të mos shpenzuar shumë për frutat dhe perimet e freskëta!
Blini në sezon
Bazuar në parimet e ofertës dhe kërkesës, blerja e perimeve dhe frutave sezonale do të jetë gjithmonë më e lirë se ato që importohen jashtë sezonit nga vendet e tjera.
Mos i shmangni frutat dhe perimet e dëmtuara
Shumica e supermarketeve tani shesin fruta dhe perime të dëmtuara që nuk janë fizikisht perfekte në një farë mënyre. Kjo nuk ndikon aspak në nivelet e lëndëve ushqyese në to, apo shijen e tyre.
Mbillni vetë
Pavarësisht se sa i vogël është kopshti juaj, gjithmonë mund të mbillni prodhime në vazo. Barishtet, domatet qershi, specat djegës dhe luleshtrydhet rriten mirë./L.F-dritare/net
