Këto shenja tregojnë se keni mungesë të vitaminës D!
E Premte 24 Janar 2025, 20:08
Dritare.net
Është dimër dhe ekspozimi në diell është i pakët. Kështu nga dielli nuk marrim sasinë e duhur të vitaminës D. Mënyra më e mirë për të marrë këtë vitaminë në dimër është nëpërmjet ushqimeve. Nëse trupi nuk ka marrë sasinë e nevojshme të vitaminës, jep disa sinjale jo shumë të dukshme që tregojnë mungesën. Dritare.net do ju tregojë disa prej tyre më poshtë!
Jeni të lodhur gjithë kohës
Nëse nuk po merrni mjaftueshëm vitaminën D, mund të ndiheni të lodhur, edhe pse mund të jeni të ngopur me gjumë. Një studim në Joural of Medicinal Sciences, zbuloi që nivelet e ulëta të vitaminës D, janë më të përhapura te njerëzit e lodhur.
Ndiheni në depresion
Ndjenja e mërzisë dhe dëshpërimit lidhet me sasinë e pamjaftueshme të vitaminës D. Receptorët e vitaminës D janë gjetur në shumë pjesë të trurit, duke përfshirë zonat e lidhura me depresionin. Hulumtimet nga shoqatat endokrine e kanë provuar këtë fakt. Pra depresioni mund të vijë si shkak i mungesës së vitaminës D.
Balli i djersitur
Djersitja në ballë është një nga shenjat më të dukshme të mungesës së vitaminës D. Nëse ju ndiheni të nxehtë, edhe kur trupi po qëndron në kushte normale, mund të keni nevojë për vitaminë D.
Keni dhimbje kockash
Të rriturit që nuk marrin mjaftueshëm vitaminë D, shpesh kanë dhimbje të muskujve dhe kockave, sidomos në dimër. Këto dhimbje vijnë për shkak të mungesës së vitaminës D.
Ju zë ngërçi shpesh
Shumë njerëz mendojnë se dhimbja e kockave vjen si shkak i kalciumit, gjë që është e vërtetë. Por, pa vitaminën D, kalciumi nuk absorbohet siç duhet. Vitamina D, veçanërisht D3, parandalon brishtësinë e eshtrave. Pra edhe kur ju zë ngërçi, ju keni mungesë vitamine D.
Nuk mund të flini sa duhet
Studiuesit kanë zbuluar që njerëzit që nuk marrin sasinë e mjaftueshme të vitaminës D, kanë një rrezik me 16% më të lartë, për të mos fjetur. Prandaj, për të bërë gjumin cilësor, juve ju nevojitet të hani ushqime me përmbajtje vitamine D, sidomos në dimër./dritare.net
