Disa mënyra si të qëndroni të shëndetshëm, gjatë kësaj vjeshte!
E Shtunë 17 Tetor 2020, 11:11
Dritare.net
Burimi CNN
Bëhuni gati për muajt më të vështirë gjatë pandemisë së koronavirusit. Moti i keq, hapja e shkollave, lodhja pandemike dhe sezoni i gripit, mund ta përkeqësojë shumë situatën. Parashikimet për javët në vijim, nuk duken aspak optimiste. Kjo për shkak edhe të sjelljes që na karakterizon sot. Të gjithë janë të lodhur nga këshillat për maskat dhe distancimin social, por janë të vetmet armë që kemi sot për të luftuar. Këtu janë disa mënyra, si të qëndroni të shëndetshëm përgjatë kësaj vjeshte.
1. Takoni pak njerëz
Nuk është koha për festa, bindeni veten për këtë. Komunikoni virtualisht me të gjithë miqtë tuaj, por fizikisht me pak prej tyre.
2. Mendoni pozitivisht
Kjo periudhë e tmerrshme nuk do të vazhdojë përgjithmonë. Por jini realistë, që ky nuk do të jetë dimri më i bukur që keni kaluar ndonjëherë. Nga mesi i vitit të ardhshëm, gjërat pritet të normalizohen, informon dritare.net. Kështuqë mendoni se na presin muaj të bukur, pas një periudhe jo fort të mirë. Përsërisni në mendjen tuaj, se është koha për të bërë sakrifica deri atëherë.
3. Përcaktoni rrezikun tuaj të infeksionit
Sa shanse keni të prekeni nga Covid-19? Sigurisht nuk mund ta dimë saktësisht, por bazuar në vendin ku punoni, jetoni, nëse dikush i afërm është prekur me kovid, mund të përcaktoni sa është niveli për t'u prekur nga virusi, informon dritare.net. Në çdo rast, kujdesuni të respektoni masat këshilluese.
4. Shmangni takimet në vende të mbyllura
Për shkak të motit të ftohtë, njerëzit priren të qëndrojnë në ambiente të mbyllura. Kjo rrit rrezikun e përhapjes së koronavirusit. Pra, nëse keni mbledhje, një takim, zhvillojeni jashtë. Por vetëm sepse jeni jashtë nuk do të thotë që ju të mund mos merrni të gjitha masat paraprake të sigurisë.
5. Kini parasysh pasojat
Në fakt, shumica e infeksioneve po përhapen te festat mes të rinjve që po zhvillohen në vende private. Kini parasysh, që mund të jeni transmetues te familjarët tuaj. Për më tepër, pasojat afatgjate të koronavirusit, nuk janë të lehta. Përgjegjësia personale dhe sakrificat e vogla tani, do të shpërblehen më vonë./L.F-dritare.net
