Bëni kujdes nëse këmbët tuaja janë vazhdimisht të ftohta. Ja çfarë paralajmërojnë!
E Premte 21 Mars 2025, 22:10
Dritare.net
Për të luftuar të ftohtin në dimër, trupi ynë duhet të ngrohet. Por, a keni menduar ndonjëherë pse këmbët tuaja janë gjithmonë të ftohta?
Këmbët e ftohta prekin të gjithë në dimër për shkak të motit të ftohtë. Në një ditë të ftohtë, trupi i përgjigjet rënies së temperaturës duke ngushtuar enët e gjakut. Edhe pse këmbët e ftohta nuk janë shqetësim, deri në momentin që janë vazhdimisht ashtu. Kjo pasi mund të tregojnë probleme serioze shëndetësore. Këmbët e ftohta mund të shkaktohen nga shumë arsye. Megjithatë, shkaqet më të zakonshme përfshijnë reagimin e trupit tuaj ndaj temperaturës, sëmundje të tilla si diabeti, anemia, sëmundjet e arterieve periferike dhe sëmundjet kronike.
Qarkullimi i dobët është një nga shkaqet më të zakonshme të ftohjes së këmbëve gjatë muajve të dimrit. Kështu që enët e gjakut ngushtohen për të kufizuar qarkullimin në pjesën thelbësore të trupit tuaj dhe këmbët mund të ftohen.
-Këmbët e ftohta ndodhin kur ka shumë pak qeliza normale të kuqe të gjakut në trup. Kjo mund të jetë për shkak të mungesës së hekurit, vitaminës B12 apo edhe sëmundjes kronike të veshkave. Prandaj, shumë njerëz kanë këmbë të ftohta.
-A keni diabet? Atëherë duhet të jeni të kujdesshëm pasi mund të keni probleme me qarkullimin e gjakut, veçanërisht në këmbë ose në duar. Nivelet jonormale të sheqerit në gjak mund të shkaktojnë ngushtimin e arterieve dhe zvogëlimin e rrjedhjes së gjakut në inde, duke shkaktuar ftohje të këmbëve.
-Një gjëndër tiroide joaktive prodhon nivele të ulëta të hormonit tiroide, gjë që ndikon negativisht në metabolizmin. Kështu, ndikohet edhe qarkullimi, rrahjet e zemrës dhe temperatura e trupit, duke shkaktuar ftohje të këmbëve. Mos harroni se problemet e tiroides lidhen drejtpërdrejt me qarkullimin!
-Duart dhe këmbët e ftohta mund të shkaktohen gjithashtu nga sëmundja e arterieve periferike, e cila ndodh kur arteriet ngushtohen ose bllokohen pasi pllakat gradualisht krijohen brenda mureve të arterieve, veçanërisht te njerëzit e moshuar. Nëse këmbët e ftohta shoqërohen me simptoma shtesë si ndryshime në ngjyrën e lëkurës, mpirje ose ndjesi shpimi gjilpërash, plagë të hapura, kërkoni kujdes të menjëhershëm mjekësor./dritare.net
