Murrizi: Mazhoranca dhe opozita jashtëparlamentare flasin me kode, po bëjnë pazare
E Enjte 21 Maj 2020, 13:01
Dritare.net
Deputeti, Myslim Murrizi, gjatë fjalës së tij në Kuvend, është shprehur se, mazhoranca dhe opozita jashtëparlamentare janë bërë shejtanë pasi flasin me kode. Ndërsa thotë se, e kanë bërë Kushtetutën shoshë, Murrizi shprehet se, ata po bëjnë pazare me njëri-tjetrin.
“Lutje me zemër në dorë e Damianit për lojërat e vjetër që “hajde të ruajmë këtë që kemi”. Për fjalët me kode jeni bërë shejtanë, d.m.th “mos hajde” që të ngeli ky që është, ju e keni bërë Kushtetutën shoshë. Në 30 vjet shqiptarët dolën rrugëve që themelet e shtetit të drejtës të ishte vota e lirë, keni hallin e përbashkët po ju hyn ujë nga poshtë. Ndërkombëtarët së fundi besoj të jenë zgjuar për t’ia u parë në kokërr të syrit pazaret që në emër të mosprekjes së Kushtetutës të mbani me zor karriget tuaja pa qene të votuar prej shqiptarëve”, tha Murrizi./K.C/dritare.net
