Na ndiqni edhe në

Politikë

Listat e hapura/Rama: Pakti me PD dhe LSI nuk do të preket!

Listat e hapura/Rama: Pakti me PD dhe LSI nuk do të preket!

Sot kryeministri Rama, tha se mazhoranca do të mbështesë listat e hapura në zgjedhjet e ardhshme. Kjo është një kërkesë e deputetëve të opozitës së re. Sipas Ramës, në këtë rast PS ka shkelur mbi veten e saj, edhe pse ai mban një qëndrim kundër listave të hapura. Në lidhje me marrëveshjen e 5 qershorit, me opozitën jashtëparlamentare, Rama tha se vendimi i fundit, nuk e cënon atë.

"E di shumë mirë se ka një sëkëlldi dhe përpjekje që kjo gjë të tregohet sikur është shkelje e marrëveshjes së 5 qershorit, por fakti është se marrëveshjen e 5 qershorit ne e kemi realizuar me vullnetin më të mirë duke shkelur edhe mbi veten, sepse ambicia jonë që përkon me nevojën dhe interesin e vendit ka qenë e shprehur vazhdimisht edhe nga unë personalisht depolitizomi i administratës zgjedhore, rekomandim kyç i OSBE/ ODIHR nuk ka ndodhur, sepse e kundërshtonte deri në fund PD. Vendosëm të bëjmë një lëshim, që është më i madhi i imagjinueshëm për një forcë politike që ka shumicën e që shkel mbi veten në këtë rast", tha Rama sot!/L.F-dritare.net