Na ndiqni edhe në

Politikë

Basha: Të punosh dhe të bësh biznes në Shqipëri është luftë e përditshme me qeverinë!

Basha: Të punosh dhe të bësh biznes në Shqipëri

Kreu i Partisë Demokratike, Lulzim Basha, ka nxjerrë në Facebook një llogari të publikuar nga Organizata për Bashkëpunim Ekonomik dhe Zhvillim, OECD, ku sipas tij fakton sa i drejtë është vendimi i opozitës për të ndryshuar sistemin e taksimit.

Basha: Të punosh dhe të bësh biznes në Shqipëri

Basha shkruan se të punosh dhe bësh biznes në Shqipëri është një luftë e përditshme me qeverinë dhe se, taksa e sheshtë 9% e propozuar nga opozita do ta shndërrojë Shqipërinë në një vend tërheqës për të punuar dhe investuar.

"Të punosh dhe bësh biznes në Shqipëri është një luftë e përditshme me qeverinë dhe zyrtarët e korruptuar.

Sistemi që RAMAVIRUSI ka ngritur për të zhvatur bizneset, u vjedh atyre 32 ditë në vit për të paguar 35 lloje të ndryshme taksash dhe tarifash. Kjo llogari e publikuar nga Organizata për Bashkëpunim Ekonomik dhe Zhvillim, OECD, fakton sa i drejtë është vendimi ynë për të ndryshuar këtë sistem mbytës për ekonominë e çdo familje.

Me taksën e sheshtë 9 %, me një sistem taksimi të unifikuar, të lehtë dhe të parashikueshëm, do ta shndërrojmë Shqipërinë në një vend tërheqës për të punuar, investuar dhe bërë biznes.

E dimë që vendimet tona shkojnë kundër interesave të një grushti njerëzish të lidhur me pushtetin personal të Edi Ramës, por ne do t’i marrim këto vendime për ta pastruar ekonominë nga RAMAVIRUSI dhe për ta çliruar shumicën absolute të shqiptarëve nga depresioni dhe kriza RAMA. Ekonomia nuk do të punojë për të pasuruar qeveritarët dhe klientët e tyre, por do të prodhojë mirëqenie, duke hapur vende të reja pune.

Ndryshimin nuk ka forcë ta ndalë askush!", shkruan Basha./E.B-dritare.net