Ambasadori i BE: Të miratohet marrëveshja e 5 qershorit. Palët të vazhdojnë dialogun!
E Mërkurë 15 Korrik 2020, 13:01
Dritare.net
Ambasadori i BE në Shqipëri, Luigi Soreca, gjatë një aktiviteti sot në Vlorë ka folur për Reformën Zgjedhore.
Soreca u shpreh se, BE ka mirëpritur marrëveshjen e 5 qershorit dhe rikujtoi se, Reforma Zgjedhore është kusht kyç për fillimin e negociatave.
Ai tha gjithashtu se, propozimet shtesë nuk janë rekomandime të OSBE-ODIHR.
“BE e ka mirëpritur marrëveshjen e 5 Qershorit, të miratohet. Duhet të dini se Reforma Zgjedhore është kusht kyç për fillimin e negociatave. Palët të vazhdojnë dialogun me frymë bashkëpunimi. Ne e njohim rolin e parlamentit për sistemin zgjedhor. Ka propozime shtesë, por s’janë rekomandime të OSBE”, tha Soreca./E.B-dritare.net