Zhaku: Respektojeni Parashqevinë, duke mos e baltosur!
E Shtunë 14 Dhjetor 2024, 14:02
Dritare.net
Nga Inida Kreuz (Zhaku)
Ju lutem, lëreni Parashqevi Simakun të qetë në punën e saj. Po shoh një mori lajmesh që nxjerrin një grua në Amerikë, duke spekulluar se është Parashqevia. Parashqevi Simaku është një ikonë, një legjendë e cila vendosi ta mbyllë karrierën e saj kur deshi vetë. Ama vepra dhe emri i saj janë ato që ajo krijoi me punën e saj dhe duhet ta respektoni të gjithë, jo vetëm duke mos spekulluar me emrin e saj, por edhe duke mos ia baltosur imazhin që ajo krijoi me aq mund.
Parashqevi Simaku është një yll shqiptar që ndryshoi shumë gjëra në skenën dhe ekranin shqiptar. Ajo vendosi të jetojë e tërhequr nga vëmendja. Tani ju, pse nuk e respektoni vullnetin e saj e ta lini të qetë?! Ju duhen klikime?! Pra për hir të ca klikimeve të pamerituara, njerëz të caktuar duhen sakrifikuar në altaret tuaja të pamëshirshme?! Çfarë shoqërie e gërditshme! Çfarë mediesh të pashpirta!/dritare.net
